Замонавий "Манчестер Юнайтед" ўйин даражаси бўйича Европанинг энг яхши жамоаларидан узоқда. Аммо ўтмишдаги муваффақиятларга асосланган бренд ва даража "қизил иблислар"га бошқа клуб кўпроқ таклиф қилган вазиятларда ҳам бозорда футболчилар учун курашда ғалаба қозониш имконини беради.
Масалан, "Ньюкасл" Беньямин Шешкога юқорироқ маош таклиф қилди. Бундан ташқари, "ҳаккалар" сафида словениялик янги мавсумда Чемпионлар лигасида иштирок этиши мумкин эди. Шунга қарамай, Шешко барибир "Манчестер Юнайтед"ни танлади.
Шешконинг трансфери якуний босқичда, дея хабар бермоқда инсайдер Фабрицио Романо ўз подкастида.
