"Барселона" дарвозабони Марк-Андре тер Штеген клуб раҳбарияти талаби билан сардорлик боғичидан маҳрум бўлади, дея хабар бермоқда 3Cat.
Манбага кўра, бош мураббий Ханс-Дитер Фликка 33 ёшли немисга нисбатан интизомий чора сифатида янги сардорни аниқлаш кераклиги айтилган.
Дарвозабон Ла Лига тиббий комиссияси учун жароҳат тўғрисидаги ҳисоботни имзолашдан бош тортди. Клуб регламентдаги банддан фойдаланган ҳолда янги ўйинчини рўйхатдан ўтказмоқчи эди, аммо бунинг учун футболчи тикланиши учун камида 4 ой вақт кетишини тасдиқловчи ҳужжат керак бўлади.
Тер Штеген "Барселона" сафида 2014 йилдан буён тўп тепиб келмоқда. Футболчининг амалдаги шартномаси 2028 йилгача мўлжалланган. 2024/25 йилги мавсумда у "кўк-анорранглилар" сафида барча мусобақаларда 9 та ўйинда майдонга тушиб, 11 та гол ўтказиб юборган ва 1 бор дарвозаси дахлсизлигини сақлаб қолган.
