"Марсель" янги вингер топиш устида иш олиб бормоқда. Франция клуби икки асосий вариантдан бирини танлайди, деб ёзади L'Equipe.
Биринчи номзод - ҳозирда "Лилль" шарафини ҳимоя қилаётган 26 ёшли Косово терма жамоаси аъзоси Эдон Жегрова (ўтган мавсумда 21 ўйинда 8 гол ва 2 ассист). У Европа Иттифоқига аъзо мамлакат фуқароси бўлмагани учун "Марсель" футболчи мақоми билан боғлиқ баъзи муаммоларни ҳал қилиши керак бўлади. Қайд этиш керакки, ҳозирча иш 25 миллион еврога баҳоланаётган футболчи билан суҳбатдан нарига ўтгани йўқ.
Иккинчи номзод - "Байер" вакили Амин Адли (ўтган мавсумда 28 ўйинда 2 гол ва 2 голли узатма). 25 ёшли марокашлик футболчи аввал ҳам "Марсель"га ўтиш имкониятига эга бўлган. Футболчи Леверкузендаги 4 мавсумдан сўнг муҳитни ўзгартириши мумкинлигини тан олади. Унинг бозор қиймати 18 миллион еврога баҳоланмоқда.
