"Marsel" yangi vinger topish ustida ish olib bormoqda. Fransiya klubi ikki asosiy variantdan birini tanlaydi, deb yozadi L'Equipe.
Birinchi nomzod - hozirda "Lill" sharafini himoya qilayotgan 26 yoshli Kosovo terma jamoasi a’zosi Edon Jegrova (o‘tgan mavsumda 21 o‘yinda 8 gol va 2 assist). U Yevropa Ittifoqiga a’zo mamlakat fuqarosi bo‘lmagani uchun "Marsel" futbolchi maqomi bilan bog‘liq ba’zi muammolarni hal qilishi kerak bo‘ladi. Qayd etish kerakki, hozircha ish 25 million yevroga baholanayotgan futbolchi bilan suhbatdan nariga o‘tgani yo‘q.
Ikkinchi nomzod - "Bayer" vakili Amin Adli (o‘tgan mavsumda 28 o‘yinda 2 gol va 2 golli uzatma). 25 yoshli marokashlik futbolchi avval ham "Marsel"ga o‘tish imkoniyatiga ega bo‘lgan. Futbolchi Leverkuzendagi 4 mavsumdan so‘ng muhitni o‘zgartirishi mumkinligini tan oladi. Uning bozor qiymati 18 million yevroga baholanmoqda.













