"Лос-Анжелес" BMO Field Club стадионида жамоага янги келган ҳужумчи Сон Хён Миннинг тақдимотини ўтказди. Янги жамоасида 33 ёшли кореялик футболчи 7-рақамда ҳаракат қилади.
Аввалроқ, Корея терма жамоаси футболчисининг трансфери MLS учун рекорд бўлгани маълум қилинганди. Вингернинг "Тоттенхэм"дан трансфери учун 26,5 миллион доллар тўланган.
Сон "шпорлар" сафида 2015 йилдан буён тўп тепиб келмоқда. У Лондон клуби сафида 454 та ўйинда майдонга тушиб, 173 та гол урган ва 101 та голли узатмани амалга оширган.













