"Тоттенхэм" президенти Даниэл Леви жамоа ҳужумчиси Сон Хён Миннинг "Лос-Анжелес"га ўтиши ҳақида гапирди.

Жанубий кореялик футболчи ўтган ҳафтадаёқ "шпорлар" билан хайрлашган, трансфер 6 август, чоршанба куни расман эълон қилинган эди.

"Сон - "Тоттенхэм" либосида ҳаракат қилган энг буюк футболчилардан бири, уни ўн йил давомида кузатиш катта завқ бағишлади. У нафақат жуда иқтидорли футболчи, балки клубимизда ва бутун дунёда ҳаммани илҳомлантирган ажойиб инсон.

Европа Лигасидаги ғалаба - "Тоттенхэм" учун ҳақиқатан ҳам сеҳрли лаҳза ва совринни бошимиз узра кўтарган Сон - биз билан абадий қоладиган хотира. У клуб учун жуда кўп иш қилди, биз унинг хизматлари учун доимо миннатдор бўламиз. Сонга энг яхши тилакларни тилаймиз," - дея Леви сўзларини келтиради Sky Sports.

Сон Хён Мин лондонликлар сафида 454 та ўйинда майдонга тушиб, 173 та гол ва 101 та голли узатмани амалга оширган.