Лондоннинг "Тоттенхэм" клуби ҳужумкор ярим ҳимоячиси Жеймс Мэддисон оғир жароҳат олди.
Клуб матбуот хизмати хабарига кўра, 28 ёшли инглиз "Ньюкасл"га қарши ўртоқлик ўйинида хочсимон боғламини йиртиб олган. Унинг учун мавсум якунлангани тахмин қилинмоқда.
"Шпорлар" сафида у жами 75 та ўйинда 16 та гол уриб, 21 та ассист берган. Мэддисоннинг шартномаси 2028 йил ёзигача мўлжалланган.













