"Тоттенхэм" Нико Пасни ўз сафига қўшиб ололмади.
Жанлука Ди Марционинг маълум қилишича, Лондон клуби "Комо" ярим ҳимоячиси учун 40 миллион евро таклиф қилган, аммо рад жавобини олган. Италияликлар 20 ёшли футболчини 70 млн еврога баҳоламоқда.
"Комо" 60 млн евродан кам бўлмаган миқдорда таклиф олган тақдирдагина музокара олиб боради, деб ҳисобланмоқда.
Қайд этилишича, Италия клуби шартномадан "Реал" учун ёзилган барча вариантларни олиб ташлашга ҳаракат қилмоқда. Мадридликлар ҳозирда Пас бўйича исталган бошқа клубнинг трансфер таклифини такрорлаши ёки футболчининг сотув суммасининг 50 фоизини олиши мумкин.
Аргентиналик футболчи А Сериянинг ўтган мавсумида 35 та ўйинда майдонга тушиб, 6 та гол ва 8 та голли узатмага муаллифлик қилган.
