"Ан-Наср" ҳужумчиси Криштиану Роналду Жоау Феликснинг Саудия Арабистони клубига ўтиши ҳақида фикр билдирди.
"Ўғирлик қилиш одобдан эмас, "Бенфика"дан ҳеч ким ҳеч нарса ўғирламаган. Жоауни ҳамма билади - у жуда истеъдодли. Ўйлайманки, Рақобат жуда юқори бўлган Саудия Арабистони чемпионатида Феликс бизга катта ёрдам беради. Менимча, Феликс учун бу Португалия чемпионатида ўйнашдан кўра яхшироқ вариант эди, шунчаки Саудия Арабистонида қанча юлдуз борлигини кўринг. У Чемпионлар Лигасида ўйнамаслигига қарамай, бу унинг учун жуда оқилона қарор бўлди. Феликсга қўнғироқ қилиб, уни ишонтирдимми? Мен бу билан шуғулланмайман. Бу менинг ишим эмас. Журналистлар шундай дейишди, лекин менинг ишим - машқ қилиш ва ўйнаш," - дея Роналдунинг сўзларини келтиради A Bola.
