"An-Nasr" hujumchisi Krishtianu Ronaldu Joau Feliksning Saudiya Arabistoni klubiga o‘tishi haqida fikr bildirdi.
"O‘g‘irlik qilish odobdan emas, "Benfika"dan hech kim hech narsa o‘g‘irlamagan. Joauni hamma biladi - u juda iste’dodli. O‘ylaymanki, Raqobat juda yuqori bo‘lgan Saudiya Arabistoni chempionatida Feliks bizga katta yordam beradi. Menimcha, Feliks uchun bu Portugaliya chempionatida o‘ynashdan ko‘ra yaxshiroq variant edi, shunchaki Saudiya Arabistonida qancha yulduz borligini ko‘ring. U Chempionlar Ligasida o‘ynamasligiga qaramay, bu uning uchun juda oqilona qaror bo‘ldi. Feliksga qo‘ng‘iroq qilib, uni ishontirdimmi? Men bu bilan shug‘ullanmayman. Bu mening ishim emas. Jurnalistlar shunday deyishdi, lekin mening ishim - mashq qilish va o‘ynash," - deya Ronalduning so‘zlarini keltiradi A Bola.
