"Лейпциг" ҳужумчиси Беньямин Шешко пайшанба куни кечқурун Манчестерга учиб келди, деб хабар бермоқда Manchester Evening News. 22 ёшли словенияликнинг суратлари ижтимоий тармоқларда эълон қилинди.
Манбага кўра, "Манчестер Юнайтед" Словения терма жамоаси футболчисининг трансфери бўйича келишувга эришган. Тез орада форвард тиббий кўрикдан ўтади ва клуб билан шартнома имзолайди.
Шешко 2023 йилдан бери "Лейпциг"да ўйнамоқда. Transfermarkt портали ҳужумчининг бозор нархини 70 миллион еврога баҳоламоқда.
Шешко 2024/25 йилги мавсумда 45 та ўйинда майдонга тушиб, 21 та гол урди ва 6 та голли узатмани амалга оширди.
