Мадриднинг "Реал" клуби бош мураббийи Хаби Алонсо "қаймоқранглилар" раҳбариятидан қанот ҳужумчиси Родриго Гоэснинг клубни тарк этиши эҳтимоли сабаб иккита янги футболчи сўраган. Бразилиялик вингерга "Ливерпуль" ва "ПСЖ" қизиқиш билдирмоқда. Бу ҳақда Defensa Central хабар берди.
Манбанинг маълум қилишича, ушбу футболчилардан бири "Қироллик клуби" шу ёз мавсумида сотиб олган ўнг қанот ҳужумчиси Франко Мастантуоно ҳисобланади. Шунингдек, испаниялик мутахассис "ПСЖ" вингери Брэдли Барколанинг "Реал"га ўтишидан манфаатдор.
Ўтган мавсумда Барколя барча мусобақаларда 64 та ўйинда иштирок этиб, 21 та гол урди ва 21 та голли узатма берди. Футболчининг клуб билан амалдаги шартномаси 2028 йил ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 70 миллион еврони ташкил этади.













