Madridning "Real" klubi bosh murabbiyi Xabi Alonso "qaymoqranglilar" rahbariyatidan qanot hujumchisi Rodrigo Goesning klubni tark etishi ehtimoli sabab ikkita yangi futbolchi so‘ragan. Braziliyalik vingerga "Liverpul" va "PSJ" qiziqish bildirmoqda. Bu haqda Defensa Central xabar berdi.
Manbaning ma’lum qilishicha, ushbu futbolchilardan biri "Qirollik klubi" shu yoz mavsumida sotib olgan o‘ng qanot hujumchisi Franko Mastantuono hisoblanadi. Shuningdek, ispaniyalik mutaxassis "PSJ" vingeri Bredli Barkolaning "Real"ga o‘tishidan manfaatdor.
O‘tgan mavsumda Barkolya barcha musobaqalarda 64 ta o‘yinda ishtirok etib, 21 ta gol urdi va 21 ta golli uzatma berdi. Futbolchining klub bilan amaldagi shartnomasi 2028 yil yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor qiymati 70 million yevroni tashkil etadi.













