Ҳужумчи Беньямин Шешко "РБ Лейпциг"дан "Манчестер Юнайтед"га ўтмоқда. Нуфузли инсайдер Фабрицио Романонинг ижтимоий тармоқларда маълум қилишича, айни пайтда словениялик тиббий кўрикнинг иккинчи қисмини якунламоқда.
"Манчестер Юнайтед" футболчиси сифатида Шешко "Фиорентина"га қарши ўртоқлик ўйини олдидан тақдим этилади. Ушбу ўйин 9 август, шанба куни "Олд Траффорд"да бўлиб ўтади ва Тошкент вақти билан 16:45 да бошланади.
Эслатиб ўтамиз, "Манчестер Юнайтед" ёзги трансферлар бозорида Шешко учун курашда "Ньюкасл" устидан ғалаба қозонган эди.













