Яқинда "Барселона" марказий ҳимоячиси Иньиго Мартинес тез орада Каталония клубини тарк этиши ҳақида хабарлар тарқалган эди. Футболчи "Ан-Наср" билан шартнома имзоламоқчи. Diario Sport хабарига кўра, "кўк-анорранглилар" бош мураббийи Ханс-Дитер Флик бу хабардан жуда хафа бўлган.
Манбага кўра, германиялик мутахассис бу футболчига келгуси мавсумда умид қилган. Флик Мартинесни ҳимоя марказида Пау Кубарси билан жуфтликда ўйнатишни режалаштирганди. Бу дуэт ўтган мавсумда устозга маъқул келганди.
Энди "Барселона" бош мураббийи ҳимоя чизиғида оптимал комбинация ҳақида ўйламоқда.
Мартинес ўтган мавсумда барча мусобақаларда 46 та ўйинда майдонга тушиб, 3 та гол урган ва 6 та голга ҳаммуаллифлик қилган. Transfermarkt маълумотларига кўра, унинг нархи - 5 млн евро.
