Ҳужумчи Жакомо Распадори "Наполи"дан "Атлетико"га ўтмоқда. Инсайдер Фабрицио Романонинг ижтимоий тармоқларда маълум қилишича, клублар 22 миллион евролик келишувга эришган. Яна 4 миллиони бонус сифатида тўланади.
Аввалроқ, жума куни 25 ёшли Распадори "Атлетико" билан шахсий шартнома шартларини келишиб олганди. Тез орада битим расман эълон қилинади.
"Наполи" сафида Жакомо Распадори 109 та расмий ўйин ўтказган. Уларда ҳужумчи ўз ҳисобига 18 та гол ва шерикларига 10 та голли узатмани ёздириб қўйди. Футболчи Италия терма жамоаси сафида 40 та ўйин ўтказган. Уларда Распадори 9 та гол урди ва 6 та голли узатмани амалга оширди.
