"Монако" дарвозабон Лукаш Градецкини сотиб олди. Финляндия терма жамоаси дарвозабони Леверкузеннинг "Байер" клубидан ўтди. Бу ҳақда бугун француз клуби расмий сайтида маълумот берилди.
35 ёшли дарвозабон "Монако" билан икки йиллик шартнома имзолади. Аввалроқ инсайдер Фабрицио Романо трансфер суммаси 2 млн евро эканини маълум қилганди.
Градецки "Байер" сафида етти ярим йил тўп тепган. Германия клуби билан биргаликда у Бундеслига чемпиони бўлди. Ўтган мавсумда дарвозабон "Байер" сафида 35 та ўйинда майдонга тушиб, шундан 8 тасида ўз дарвозасидан гол ўтказмаган.
Лига 1нинг янги мавсуми 15 август куни старт олади.
