"Ювентус" марказий ҳимоячиси Федерико Гатти "Наполи"дан таклиф олганини тан олди.
27 ёшли футболчи Италиянинг амалдаги чемпионлари қизиқиш билдираётгани ҳақидаги миш-мишларни тасдиқлади. Неаполликлар италиялик футболчини ўз сафига оғдириб олишга ҳаракат қилишди, бироқ у қолишни афзал кўрди ва "кекса синьора" билан шартномани узайтирди.
"Ювентус"даги келажагимга шубҳа қилмаганман. Жаҳоннинг энг яхши мураббийларидан бири Антонио Конте, шунингдек, спорт директори Жованни Маннанинг менга қизиқиш билдиргани жуда ёқимли бўлди. Мен улардан миннатдорман, чунки улар трансфер учун бор кучлари билан ҳаракат қилишди, лекин мен юрагимга қулоқ солдим. Менинг оилам шу ерда. Турин - мен ўсган уй. Бу қарорни осонлик билан қабул қилдим," - дея футболчининг сўзларини келтиради Football Italia.
Федерико Гаттининг "Ювентус" билан тузган янги шартномаси 2030 йилгача мўлжалланган.
