"Yuventus" markaziy himoyachisi Federiko Gatti "Napoli"dan taklif olganini tan oldi.
27 yoshli futbolchi Italiyaning amaldagi chempionlari qiziqish bildirayotgani haqidagi mish-mishlarni tasdiqladi. Neapolliklar italiyalik futbolchini o‘z safiga og‘dirib olishga harakat qilishdi, biroq u qolishni afzal ko‘rdi va "keksa sinyora" bilan shartnomani uzaytirdi.
"Yuventus"dagi kelajagimga shubha qilmaganman. Jahonning eng yaxshi murabbiylaridan biri Antonio Konte, shuningdek, sport direktori Jovanni Mannaning menga qiziqish bildirgani juda yoqimli bo‘ldi. Men ulardan minnatdorman, chunki ular transfer uchun bor kuchlari bilan harakat qilishdi, lekin men yuragimga quloq soldim. Mening oilam shu yerda. Turin - men o‘sgan uy. Bu qarorni osonlik bilan qabul qildim," - deya futbolchining so‘zlarini keltiradi Football Italia.
Federiko Gattining "Yuventus" bilan tuzgan yangi shartnomasi 2030 yilgacha mo‘ljallangan.













