"Атлетико" ярим ҳимоячиси Конор Галлахер АПЛга қайтиши мумкин, дея хабар бермоқда Marca.
Манбага кўра, 25 ёшли англиялик футболчига "Ньюкасл" даъвогарлик қилмоқда. Қайд этилишича, Галлахер Мадрид клубига янги футболчилар келгач, камроқ ўйин амалиётига эга бўлиши мумкин. "Ньюкасл" бу трансфер учун 40 миллион евро сарфлашга тайёр.
Ўтган мавсумда Галлахер 50 та ўйинда майдонга тушиб, 4 та гол урди ва 6 та голли узатмани амалга оширди. Transfermarkt портали футболчининг нархини 40 миллион еврога баҳоламоқда.













