"Atletiko" yarim himoyachisi Konor Gallaxer APLga qaytishi mumkin, deya xabar bermoqda Marca.

Manbaga ko‘ra, 25 yoshli angliyalik futbolchiga "Nyukasl" da’vogarlik qilmoqda. Qayd etilishicha, Gallaxer Madrid klubiga yangi futbolchilar kelgach, kamroq o‘yin amaliyotiga ega bo‘lishi mumkin. "Nyukasl" bu transfer uchun 40 million yevro sarflashga tayyor.

O‘tgan mavsumda Gallaxer 50 ta o‘yinda maydonga tushib, 4 ta gol urdi va 6 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda.