Лондоннинг "Арсенал" клуби ёш ҳужумчиси Итан Нванери ўтган футбол мавсуми уни қандай ўзгартиргани ҳақида гапирди.
"Премьер-лига талабларига мослашишимга тўғри келди, шунинг учун, ўйлайманки, мен нафақат жисмонан, балки психологик жиҳатдан ҳам, муваффақиятсизликлар ва жароҳатларни енгиш нуқтаи назаридан ҳам ўзгарганман. Ўйлашимча, сўнгги бир неча йил ичида мен тўғри ҳаракат қила бошладим ва ўз олдимга кўпроқ мақсадлар қўйдим, шунинг учун келажакда нима бўлишини сабрсизлик билан кутмоқдаман," - дея Нванерининг сўзларини келтиради "Арсенал" матбуот хизмати.
Эслатиб ўтамиз, Нванери ўтган мавсум доирасида "Арсенал" сафида вақти-вақти билан асосий таркибда ўйнай бошлади ва рақиблар дарвозасига бир қатор голлар урди. Ёш ҳужумчи ҳужумнинг исталган позициясида ўйнай олади. У "канонирлар" клуби тарбияланувчиси ҳисобланади.
