Londonning "Arsenal" klubi yosh hujumchisi Itan Nvaneri o‘tgan futbol mavsumi uni qanday o‘zgartirgani haqida gapirdi.
"Premyer-liga talablariga moslashishimga to‘g‘ri keldi, shuning uchun, o‘ylaymanki, men nafaqat jismonan, balki psixologik jihatdan ham, muvaffaqiyatsizliklar va jarohatlarni yengish nuqtai nazaridan ham o‘zgarganman. O‘ylashimcha, so‘nggi bir necha yil ichida men to‘g‘ri harakat qila boshladim va o‘z oldimga ko‘proq maqsadlar qo‘ydim, shuning uchun kelajakda nima bo‘lishini sabrsizlik bilan kutmoqdaman," - deya Nvanerining so‘zlarini keltiradi "Arsenal" matbuot xizmati.
Eslatib o‘tamiz, Nvaneri o‘tgan mavsum doirasida "Arsenal" safida vaqti-vaqti bilan asosiy tarkibda o‘ynay boshladi va raqiblar darvozasiga bir qator gollar urdi. Yosh hujumchi hujumning istalgan pozisiyasida o‘ynay oladi. U "kanonirlar" klubi tarbiyalanuvchisi hisoblanadi.
