"Кўпчилик: “Бу рақамли турнир эмас, тўлови камроқ бўлади” дейди. Лекин бу пул ҳақида эмас, рақамли турнир мақоми ҳақида ҳам эмас. Бу миллат ҳақида — ўз халқинг олдида жанг қилиш ҳақида. Шунинг учун менда энергия жуда юқори. Бразилиялик баъзи жангчилар бу турнирда қатнашишни истамайди, баъзилари эса истайди — ҳар кимнинг ўз сабаби бор. Кимдир учун бу пул, мен учун эса йўқ. Мен учун бу ном. Оилам ва халқим олдида жанг қилиш ҳақида. Мен Бразилияда анча вақтдан бери жанг қилмаганман ва бу мен учун жуда катта аҳамиятга эга.

Мен UFCда 15 йилдан бери жанг қиламан. Ўзимнинг парвоз ва шўнғиш даврларим бўлган. Мен бонуслар ва сабмишенлар бўйича рекордга эгаман. Енгил вазнда собиқ чемпионман. Менинг тарихим ёзиб бўлинган. Бу жанг мен учун нима? Оилам ва халқим олдида жанг қилиш, ҳозиргидек бахтиёр бўлиш. Шундай экан, ҳеч қандай босим йўқ. Мен оддий жойдан чиққан йигитман, дунёда муваффақият қозондим ва эндиликда халқим олдида яна жанг қилишни истайман.

Уйга қайтдим, оилам билан вақт ўтказдим ва яна машғулотга қайтдим. Чунки менда ҳали ҳам исботлайдиган ва эришадиган нарсалар бор", — деди бразилиялик жангчи.