"Бавария" вингери Кингсли Коман "Ан-Наср"га ўтишга розилик берди. Саудия клуби футболчи билан ҳамкорлик шартлари бўйича тўлиқ келишувга эришди, деб ёзади Bayern & Germany Саудия Арабистонидаги манбаларга таяниб. Айни пайтда "Ан-Наср" Мюнхен гранди билан музокаралар олиб бормоқда.
Июнь ойида Кингсли Коман 29 ёшга тўлди, унинг ҳозирги трансфер нархи Transfermarkt портали мутахассислари томонидан 30 млн еврога баҳоланмоқда. Французнинг "Бавария" билан амалдаги меҳнат шартномаси 2027 йилнинг ярмигача мўлжалланган.













