"Бавария" ҳужумчиси Харри Кейн яқинда "Тоттенхэм"га кўчиб ўтган Жоау Палинья ҳақида фикр билдирди.
Португалиялик таянч ярим ҳимоячиси "шпорлар" сафига ижара асосида қўшилди, келишувга сотиб олиш имконияти ҳам киритилган.
"Тўп билан яхши муомала қиладиган жуда кучли ўйинчи. У "Фулхэм"даги фаолиятидан буён Премьер-лига билан таниш ва майдонда борини бериб ўйнайдиганлардан экани аниқ. У яхши клубга ўтди. Умид қиламанки, Жоау кўпроқ ўйин амалиётига эга бўлади ва ўзини кўрсата олади," - деди Кейн интервьюда Палинья ҳақидаги саволга жавоб берар экан.
