"Реал" якшанба куни Эдуардо Камавинга жароҳат олганини маълум қилди. Мадрид клуби 22 ёшли футболчига қўйилган ташхисни маълум қилди, аммо одатга кўра, унинг тикланиш муддати ҳақида ҳеч нарса маълум қилмади.
Журналист Аранча Родригеснинг ижтимоий тармоқларда ёзишича, Камавинга тикланиши учун тахминан 10 кун керак бўлади.
Маълум бўлишича, Хаби Алонсо янги мавсумнинг илк расмий ўйинида Камавингадан фойдалана олмайди. 19 август, сешанба куни "Реал" Испания чемпионатида "Осасуна"га қарши уй учрашувини ўтказади.













