"Штутгарт" бош директори Александер Верле жамоа ҳужумчиси Ник Вольтемаденинг кетиши ҳақидаги навбатдаги саволга жавоб берди.
23 ёшли футболчига "Бавария" қизиқмоқда, аммо мюнхенликларда "шваблар" юлдузи трансферини расмийлаштириш учун жуда оз вақт қолмоқда.
"Агар сиз бизнинг футболчимизни сотиб олишга қарор қилган бўлсангиз, ҳозироқ бунинг йўлини топишингиз керак. Шанба куни Германия Суперкубоги ўйинини ўтказамиз - бу вақтгача барчаси ойдинлашиши керак," - деди Верле Stuttgarter Nachrichten нашрига берган интервьюсида.
Суперкубок баҳсида "Штутгарт" айнан "Бавария"га қарши майдонга тушади. Шанба кунги баҳс Тошкент вақти билан 23:30 да бошланади.
