Бир неча кундан сўнг Испания чемпионатининг навбатдаги мавсуми бошланади. Жума куни "Жирона" ва "Райо Вальекано" ўртасидаги очилиш ўйини бўлиб ўтса, шанба куни "Барселона" сафарда "Мальорка"га қарши чемпионлик ҳимоясини бошлайди.
Opta суперкомпьютерининг ҳисоб-китобларига кўра, айнан "кўк-анорранглилар" биринчи ўринни эгаллаш учун энг катта имкониятга эга - 46,5%. Иккинчи фаворит эса Мадриднинг "Реал" клуби ҳисобланади - 32,1 фоиз. Чемпионликка учинчи даъвогар сифатида "Атлетико" кўрсатилган - 11,7%. Кейинги ўринларда "Вильярреал" (3,7 фоиз) ва "Атлетик" Бильбао (2,9 фоиз).
Ўтган мавсумда "Барселона" "Реал"ни 4 очкога ортда қолдирган бўлса, 3-ўринни эгаллаган "Атлетико" чемпиондан 12 очко ортда қолди.
