"Ювентус" "Манчестер Юнайтед" вингери Жэйдон Санчони ўз сафига қўшиб олиш фикридан қайтгани йўқ, аммо ҳозирча келишувни ёполмаяпти.
"Кекса синьора" июль ойидаёқ футболчи билан келишувга эришган, бироқ трансферни якунлашга ҳозирча қодир эмас - ҳамма гап шундаки, аввалига клуб Николас Гонсалесни сотиши керак, унинг ўрнини инглиз эгаллайди, деб ёзади журналист Николо Скира. "Қизил иблислар"нинг 25 ёшли футболчиси трансфери барбод бўлиши мумкин, агар "бьянконерилар" аргентиналик билан хайрлашмаса.
"Манчестер Юнайтед" Жэйдон Санчони 20-25 млн еврога баҳоламоқда. Яқинда Италиянинг бошқа бир клуби - "Рома" футболчи ҳақида маълумот сўраган эди.
