"Ан-Наср" марказий ҳимоячиси Эмерик Лапорт бошқа клубга ўтиш масаласида муаммога дуч келди. Бу ҳақда Marca хабар бермоқда.
Манбага кўра, футболчи Саудия Арабистони жамоаси раҳбариятидан Испаниянинг "Атлетик" клубига қайтиш учун меҳнат шартномасини бекор қилишни сўраган. Лапортга Ла Лига клуби қизиқиш билдирмоқда.
Аммо "Ан-Наср" босслари ва бош мураббий Жорже Жезуш футболчининг талабини қондиришни истамаяпти. Лапорт шартномани бекор қилишни сўрашни тўхтатиши учун клуб раҳбарияти ҳимоячини бўлажак турнирларнинг аксариятидан четлатишга қарор қилди.
Лапорт 2023 йилдан бери "Ан-Наср" шарафини ҳимоя қилиб келмоқда. Ўтган мавсумда 31 ёшли футболчи 30 та ўйинда майдонга тушиб, 5 та гол урган. Унинг Саудия Арабистони жамоаси билан шартномаси бир йилдан сўнг якунланади.
