"Манчестер Юнайтед" ҳужумчиси Расмус Хёйлунд Италия А Серияси клублари орасида катта талабга эга.
"Қизил иблислар" ҳужумчи Беньямин Шешкони ўз сафига қўшиб олди, шу боис даниялик футболчига маъқул таклиф тушса, уни қўйиб юбориши кутилмоқда. Журналист Питер Холлнинг маълум қилишича, бир неча бор қизиқиш билдирилгани айтилган "Милан"дан ташқари, Хёйлунднинг вакиллари билан "Интер", "Ювентус", "Наполи" ва "Рома" боғланган. Кўриниб турибдики, итальян клублари ҳамон футболчининг Англияга кўчиб ўтишидан олдин "Аталанта"да кўрсатган ўйинидан ҳайратда.
Расмус Хёйлунднинг Transfermarkt бўйича нархи 35 млн еврога тенг. Катта эҳтимол билан 22 ёшли футболчи кейинчалик сотиб олиш имконияти билан ижарага берилади.













