"МЮ" дарвозабони Андре Онана жароҳатидан тикланди. Камерунлик футболчи тизза ости пайидаги муаммолардан сўнг машғулотларни давом эттирмоқда, дея хабар бермоқда MEN.
Журналистлар маълумотига кўра, африкалик дарвозабон Англия Премьер-лигаси янги мавсумининг илк турида Лондоннинг "Арсенал" клубига қарши баҳсда "қизил иблислар"нинг қайдномасидан ўрин олиши мумкин. Учрашув 17 август, якшанба кунига белгиланган.
Ўтган мавсумда Андре манкунианликларнинг 50 та ўйинида иштирок этган. Камерунлик футболчи 65 та гол ўтказиб юборди ва 11 та ўйинда ўз дарвозаси дахлсизлигини сақлаб қолди.
