"Байер" Лоик Бадени сотиб олиш бўйича дастлабки таклифни берди.
Немис клуби "Севилья" ҳимоячиси учун 20 млн евро таклиф қилди, деб хабар беради RMC Sport.
"Севилья" "Байер"нинг таклифини қабул қилмаслиги кутилмоқда, чунки у Баде учун тахминан 35 млн евро олмоқчи. Клублар ўртасидаги музокаралар давом этмоқда, футболчи трансферга қизиқиш билдирмоқда, аммо у ҳозирча леверкузенликлар билан шартнома шартларини келишиб олгани йўқ.
Баде Ла Лиганинг ўтган мавсумида 32 та ўйинда майдонга тушиб, 1 та гол ва 1 та голли узатмага муаллифлик қилган.













