"Ньюкасл Юнайтед" посбони Одиссеас Влаходимос тез орада "Севилья"га кўчиб ўтади. Бу ҳақда журналист Флориан Плеттенберг Х ижтимоий тармоғидаги саҳифасида маълум қилди.
Футболчи аллақачон испан жамоасига ўтишдан олдин тиббий кўрикдан ўтмоқда, деб хабар беради Sky Sport Germany мухбири Деннис Байер.
Клублар сотиб олиш ҳуқуқисиз бир йиллик ижара ҳақида келишиб олдилар. Одиссеас мавсумни яхши ўтказишга ва Греция терма жамоаси таркибида 2026 йилги жаҳон чемпионатида иштирок этишга умид қилмоқда.













