"Астон Вилла" хавбеки Жейкоб Рэмзи "Ньюкасл"га ўтишга яқин турибди. Клублар келишувни ёпиш арафасида, дея хабар бермоқда инсайдер Фабрицио Романо. Трансфер "ҳаккалар"га 40 млн фунтга (тахминан 46 млн евро) тушади.
24 ёшли футболчини ўз сафига қўшиб олишга "Вест Хэм" ҳам уриниб кўрган, бироқ инглизнинг ўзи "Ньюкасл"ни маъқул кўрган.
Жейкоб Рэмзи "Астон Вилла" сафида 167 та ўйинда майдонга тушган. Футболчи 17 та гол ва 19 та голли узатмани амалга оширган, шу жумладан, 2024/25 йилги мавсумда 45 та ўйинда тўртта гол ва еттита голли узатмани амалга оширган.
