Ҳужумчи Родриго фаолиятини Англияда давом эттириши мумкин. Нуфузли инсайдер Фабрицио Романонинг ижтимоий тармоқларда ёзишича, "Манчестер Сити" вингер Савио кетган тақдирда Родригони "Реал"дан сотиб олишга уриниб кўради.
Бироқ, ҳозирча Савионинг кетиши ҳақида гап йўқ, чунки "Тоттенхэм"нинг 21 ёшли бразилиялик футболчи бўйича илк таклифи "Манчестер Сити"нинг кутилмасидан анча йироқ.
Шунингдек, Романонинг таъкидлашича, "Манчестер Сити" "Монако"дан Магнес Аклиушга қизиқмаяпти. Агар Савио кетса, "шаҳарликлар" Родриго бўйича ҳаракат бошлайди.
24 ёшли Родриго нуфузли Transfermarkt портали томонидан 90 миллион еврога баҳоланмоқда.
