Ҳимоячи Ибраима Конате "Ливерпуль" билан шартномасининг сўнгги йилига ўтди, яъни келаси ёзда мерсисайдликлар французни текинга йўқотиши мумкин. "Қизиллар" ҳимоя чизиғида Марк Гехи ва Жованни Леони билан шартнома имзолаш устида ишламоқда. Бу Конате август ойининг охиригача сотилиши ҳақидаги фикрларни келтириб чиқаради. Лекин ундай эмас.
BBC’нинг Daily Mail’га таяниб хабар беришича, "Ливерпуль" ёзда Конатани сотмоқчи эмас. Яъни, мерсисайдликлар эркин агент сифатида футболчини йўқотишдан қўрқишмаяпти.
Аввалроқ, 26 ёшли Ибраима Конатега "Реал" ва "ПСЖ" каби топ-клублар қизиқиш билдираётгани ҳақида хабарлар тарқалган эди.
