"Фенербахче" "Реал"нинг украиналик дарвозабони Андрей Лунинни ижарага олмоқчи.
Турк ОАВ хабарига кўра, турк клуби футболчининг шартнома шартларига қизиқиш билдирган. Аввалроқ, Лунин "Реал"да қолишга ва Тибо Куртуа билан асосий дарвозабон ўрни учун курашишга қарор қилгани ҳақида хабарлар тарқалган эди. 26 ёшли футболчининг "Реал" билан шартномаси 2030 йилгача мўлжалланган.
"Реал" Лунинни 2018 йилнинг ёзида "Заря"дан 8,5 миллион еврога сотиб олганди. У ўтган мавсумда 14 та ўйинда 19 та гол ўтказиб юборди ва 6 марта ўз дарвозасини дахлсиз қолдирди.













