Италиянинг "Рома" клуби "Астон Вилла" форварди Леон Бэйли хизматига жиддий қизиқиш билдирмоқда.
Бу ҳақда The Athletic саҳифаларида маълум қилинди. Ҳозирча трансфер бўйича расмий таклиф бўлгани йўқ, аммо "Рома" раҳбарияти футболчини қўлга киритишга ҳаракат қилмоқчи. Қайд этилишича, футболчи кейинчалик сотиб олиш ҳуқуқи билан доимий ижарага олиниши мумкин.
Ҳужумкор футболчининг инглиз клуби билан меҳнат шартномаси 2027 йилнинг ёзигача мўлжалланган бўлиб, унинг transfermarkt порталидаги нархи 28 миллион еврога баҳоланмоқда.
