"Ливерпуль" ҳимоячисига ультиматум тайёрламоқда. Transfer News Live нашрининг Marca нашрига таяниб хабар беришича, яқин кунларда Ибраима Конате клубдан шартномани узайтириш бўйича янги таклиф олади. Агар Конате рад жавобини берса, "қизиллар" катта эҳтимол билан 26 ёшли французни трансферга қўяди.

Конатенинг "Ливерпуль" билан амалдаги меҳнат шартномаси 2025/2026 йилги мавсум охиригача мўлжалланган. Агар ҳимоячи шартномани узайтирмаса, келаси ёзда эркин агент сифатида кетиши мумкин.

Шу билан бирга, аввалроқ бошқа бир манба "Ливерпуль" бу ёзда Конатени сотмаслигини маълум қилганди.