Туриндаги "Альянц Стэдиум"да "Ювентус"нинг ёшлар жамоасига қарши машғулот учрашуви бўлиб ўтди ва унда асосий таркиб 2:0 ҳисобида ғалаба қозонди.
Голларга Дуглас Луис ва Душан Влаҳович муаллифлик қилди. Ўйинни 30 мингга яқин томошабин стадиондан кузатиб борди, деб хабар беради La Gazzetta dello Sport. Шу билан бирга, мухлислар бунга турлича муносабатда бўлишди: Дуглас Луис аниқ голдан сўнг олқишларга сазовор бўлди, Влахович эса гол урганига қарамай, ҳуштакбозликка учради.
Ҳужумчининг Турин клуби билан шартномаси келаси йилгача амал қилади. ОАВда "Ювентус" футболчини сотмоқчи экани ҳақида хабарлар тарқалди.













