"Тоттенхэм" дарвозабони Гульельмо Викарио "ПСЖ"га қарши УЕФА Суперкубоги доирасидаги мағлубият ҳақида фикр билдирди.
"Бу ўйинда яхши жиҳатлар кўп бўлди. Режани аъло даражада бажардик, 2:0 ҳисобида олдинда эдик. Энг ачинарлиси, ўйин тақдири бизнинг қўлимизда эди, аммо бу футбол, "ПСЖ" эса топ жамоа. Ўйин бошланишидан олдин ҳамма бизни енгил рақиб деб ўйлади. Бу қабул қилиш жуда қийин бўлган аламли мағлубият," - дея Викарионинг сўзларини келтиради УEФА расмий сайти.













