"ПСЖ" дарвозабони Люка Шевалье УEФА Суперкубоги учун "Тоттенхэм" устидан қозонилган ғалаба ҳақида фикр билдирди.

"Менинг биринчи совриним. Мен бу ерга ғалаба қозониш учун келганман. "ПСЖ" бу ўйинда жамоанинг ўтган мавсумдаги саъй-ҳаракатлари эвазига майдонга тушди. Бу ғалабага ўз ҳиссамни қўша олганимдан хурсандман ва умид қиламанки, бу клубда кўплаб муваффақиятли ўйинлар ўтказаман. Осон ўйин эмас. Мен энг яхши дарвозабон ўрнига келдим. Мен дарҳол финалдан бошлашимга тўғри келди. Ҳаммада катта умидлар бор эди. Биз 0:2 ҳисобида ютқазаётган эдик. Бундай пайтларда ўзингга ўзинг савол бера бошлайсан: "Агар ҳаммаси биз хоҳлагандек бўлмаса-чи?" Аммо якунда жамоа характер кўрсатди," - дея Шевальенинг сўзларини келтиради УEФА матбуот хизмати.