"Челси" ярим ҳимоячиси Карни Чуквуэмека клубда футболчиларга бўлган муносабатдан норози. Ой бошида "кўклар" хавбекни Дортмунднинг "Боруссия"сига сотишга тайёрлиги маълум бўлганди, аммо келишув ҳали расман тасдиқланмаган. Sport Bild хабарига кўра, Чуквуэмека футболчиларга ҳурматсизлик қилгани учун "Челси" раҳбариятидан ҳафсаласи пир бўлган. Инглиз жамоада қолмоқчи эмас ва ўтган мавсумнинг иккинчи ярмида ижара асосида тўп тепган "Боруссия"га қайтишга умид қилмоқда.

Манбага кўра, "асаларилар" Карни Чуквуэмекани қайта ижарага олишни режалаштирмоқда. Transfermarkt портали 21 ёшли футболчининг нархини 18 млн еврога баҳоламоқда.