"Chelsi" yarim himoyachisi Karni Chukvuemeka klubda futbolchilarga bo‘lgan munosabatdan norozi. Oy boshida "ko‘klar" xavbekni Dortmundning "Borussiya"siga sotishga tayyorligi ma’lum bo‘lgandi, ammo kelishuv hali rasman tasdiqlanmagan. Sport Bild xabariga ko‘ra, Chukvuemeka futbolchilarga hurmatsizlik qilgani uchun "Chelsi" rahbariyatidan hafsalasi pir bo‘lgan. Ingliz jamoada qolmoqchi emas va o‘tgan mavsumning ikkinchi yarmida ijara asosida to‘p tepgan "Borussiya"ga qaytishga umid qilmoqda.
Manbaga ko‘ra, "asalarilar" Karni Chukvuemekani qayta ijaraga olishni rejalashtirmoqda. Transfermarkt portali 21 yoshli futbolchining narxini 18 mln yevroga baholamoqda.
