"Барселона"нинг ўнг қанот ҳимоячиси Эктор Форт тез орада клубни тарк этади. 19 ёшли футболчи 16 август куни бўлиб ўтадиган Ла Лига 1-туридан ўрин олган "Мальорка"га қарши ўйин қайдномасига киритилади ва учрашув якунлангач, ижарага кетади, деб хабар беради Sport.
Айни пайтда ўйинчида бир нечта таклифлар бор - яқин кунларда улардан бирини қабул қилади.
Аввалроқ, "Барселона" Эктор Фортга ижарага кетишни тавсия қилаётгани, у Жюль Кунде ва Эрик Гарсия билан асосий таркиб учун рақобатда ғалаба қозона олмаслиги ҳақида хабарлар тарқалган эди.
Ёш испаниялик "кўк-анорранглилар"нинг асосий жамоаси сафида жами 30 та ўйин ўтказиб, 3 та голли узатмани ўз ҳисобига ёздириб қўйди.
