"Ювентус" бош мураббийи Игор Тудор мухлисларнинг ҳужумчи Душан Влаҳовичга бўлган муносабатидан норози.
Чоршанба куни “бьянконерилар” ёшлар терма жамоасига қарши ўртоқлик учрашуви ўтказди. Асосий жамоа 2:0 ҳисобида ғалаба қозонди, голлардан бирини Влаҳович киритди.
Гол урилганига қарамай, йиғилганлар форвардга нисбатан ҳуштакбозлик қилишди.
"Душан ҳали ҳам "Ювентус" футболчиси, унга бўлган бундай муносабат мени жуда хафа қилади. У қаттиқ машқ қилади.
У бугун ҳамма каби яхши ишлади", - дея Тудорнинг сўзларини келтиради Football Italia.













