Англиянинг "Манчестер Сити" клуби "Реал"нинг бразилиялик ҳужумчиси Родригони сотиб олишни жиддий мақсад қилган.
Инсайдер Николо Скиранинг маълум қилишича, томонлар дастлабки музокараларни ўтказган ва музокаралар ижобий якунланган. Таъкидланишича, "Манчестер Сити" ўз ниятларининг жиддийлигини кўрсатиш учун бразилияликка 2030 йилгача мўлжалланган шартнома таклиф қилишга тайёр. Қарор Родригонинг ўзида бўлади: агар у кетишни истаса, "Реал" уни 100 миллион еврога сотиб юборади.
Ўтган мавсумда 24 ёшли Родриго барча мусобақаларни ҳисобга олган ҳолда 54 та ўйинда майдонга тушиб, 14 та гол урди ва 11 та голли узатмани ўз ҳисобига ёздириб қўйди.
