"ПСЖ"нинг марокашлик легионери Ашраф Ҳакимий УЕФА Суперкубоги учун кечган ўйинда Лондоннинг "Тоттенхэм" клуби устидан қозонилган ғалабадан сўнг ўз фикрларини билдирди.
"Биз суперкубокка лойиқ эмасдик. Ушбу ўйинда бизнинг ўйинимиз ва рақиб футболи ўртасидаги фарқни кўриш мумкин эди. 80 дақиқа давомида кўп хатоларга йўл қўйдик. Охир-оқибат, икки марта гол уриб, барча масалани пенальтилар сериясида ҳал қилганимиз омадимиз бўлди. Лекин бу футбол. Биз мухлисларимизга яхши ҳиссиётлар тақдим этганимиздан хурсандмиз," - дея африкалик ҳимоячининг сўзларини келтиради Foot Mercato.
Эслатиб ўтамиз, учрашувнинг асосий вақти 2:2 ҳисобидаги дуранг билан якунланди. Пенальтилар сериясида парижликлар аниқроқ бўлишди - 4:3.
